Mujhay ab bhi mohabbat hai teray qadmon ki aahat say

Mujhay ab bhi mohabbat hai teray qadmon ki aahat say

teri har muskurahat say teri baaton ki khusbho say

teri aankhon k jadu say teri dilkash adaon say

teri qatil jafaon say mujhay ab bhi mohabbat hai

teri rahon main ruknay say teri palkon k jhuknay say

sehar o sham haton pay tera hi naam likhnay say

teray tesh o adawat say teri bey ja shikayat say

yahan tak k sanam meray teri har aik aadat say

mujhy ab bhi mohabbat hay…..

mushkil hai ab shahar men nikle koi ghar se

mushkil hai ab shahar men nikle koi ghar se
dastaar pe baat aa gai hai hoti hui sar se

barsaa bhi to kis dasht ke befaiz badan par
ik umr mere khet the jis abr ko tarse

is baar jo indhan ke liye kaT ke giraa hai
chiDyon ko baDaa pyaar thaa us buDhe shajar se

mehnat meri aaNdhi se to mansoob nahi thi
rahnaa tha koi rabt shajar ka bhi samar se

Khud apne se milne kaa to yaraa na tha mujh men
main bhiD men gum ho gai tanhai ke Dar se

benaam musafat hi muqaddar hai to kyaa Gam
manzil kaa ta’yyun kabhi hotaa hai safar se

patthraya hai dil yuN ki koi ism paDhaa jaaye
ye shahar nikalta nahin jadu ke asar se

nikle hain to raste men kahin shaam bhi hogi
suraj bhi magar aayegaa is raah-guzar se

Parveen Shakir

yaa mujhe afsar-e-shaahaa na bnayaa hota

yaa mujhe afsar-e-shaahaa na bnayaa hota
yaa meraa taaj gadaayaa na bnaayaa hota

Khaak_saarii ke liye garche bnayaa thaa mujhe
kaash Khaak-e-dar-e-jaanaa.N na bnayaa hota

nashaa-e-ishq kaa gar zarf diyaa thaa mujh ko
umr kaa tang na paimaanaa banaayaa hotaa

apnaa divanaa bnayaa mujhe hotaa tuune
kyo.n Khirad_mand banaayaa na banaayaa hotaa

sholaa-e-husn chaman me.n na dikhayaa us ne
varanaa bul_bul ko bhii paravaanaa banaayaa hotaa

roz-e-mamuuraa-e-duniyaa me.n Kharaabii hai ‘Zafar’
aisi basti se to viraanaa bnayaa hota

Bahadur Shah Zafar

apne haathon ki lakiron men basa le mujhko

apne haathon ki lakiron men basa  le mujhko
main huN teraa nasib apnaa bana le mujhko

mujhse tu puchhne aya hai wafa ke maani
ye teri sada-dili maar na Daale mujhko

main samandar bhi huN moti bhi huN Gotazan bhi
koi bhi naam meraa leke bula le mujhko

tune dekha nahi aaine se aage kuchh bhi
Khudaparasti men kahin tu na gaNva le mujhko

kal ki baat aur hai main ab saa rahuN yaa na rahuN
jitnaa ji chaahe teraa aaj sata le mujhko

Khud ko main baaNT na DaaluN kahii.n daaman-daaman
kar diyaa tune agar mere havale mujhko

main jo kaaNTa huN to chal mujh se bachakar daaman
main huN gar phool to juDe men saja le mujhko

main khule dar ke kisi ghar kaa huN saamaN pyaare
tu dabe paaNv kabhi aake chura le mujhko

tark-e-ulfat ki qasam bhi koi hoti hai qasam
tu kabhi yaad to kar bhulnewaale mujhko

baadaa phir baadaa hai mai.n zahar bhi pi jaauN “Qateel”
shart ye hai koi baahon mein sambhale mujhko

Qateel Shifayee

aas hogi na aasraa hogaa

aas hogi na aasraa hogaa
aane vaale dino men kyaa hogaa

main tujhe bhool jaauNgaa ek din
waqt sab kuchh badal chukaa hogaa

naam ham ne likhaa thaa aa.Nkho.n me.n
aa.nsuuo.n ne miTaa diyaa hogaa

aasamaN bhar gayaa parindon se
peD koi haraa giraa hogaa

kitnaa dushwaar thaa safar us kaa
wo sar-e-shaam so gayaa hogaa

Bashir Badr

Chand tanha hai aasman tanha

Chand tanha hai aasman tanha
Dil mila hai kahan kahan tanha

Bujh gayee aas chchup gya tara
Tharthrata raha dhuaaN tanha

Zindagi kya usi ko kahte hain
Jism tanaha hai aur jan tanha

Jalti bujhti si raushni k  parde
Simta simta sa ek makan  tanha

Raah dekha karegeN SadiyoN tak
Chor jayenge ye jahan tanha

Meena Kumari

Nasim e subh o gulashan men gulon se khelti ho gi

Nasim e subh o gulashan men gulon se khelti ho gi
kisi ki akhiri hichaki kisi ki dillagi ho gi

Tumhen danista mahafil may jo dekha ho to mujarim hun
nazar akhir nazar hai be irada uth gai ho gi

Maza a jayega mahashar may kuch sunne sunane ka
zuban hogi hamari aur kahani ap ki ho gi

Sar e mahafil bata dunga sar e mahashar dikha dunga
hamare sath tum hoge ye duniya dekhati ho gi

Yahi alam raha pardanashinon ka to zahir hai
Khudai ap se hogi na ham se bandagi ho gi

Ta’ajjub kya lagi jo ag aye `Seemab` seene main
hazaron dil me. Angare bhare the lag gai ho gi

Seemab Akbarabadi

ai mohabbat tere anjaam pe rona aya

ai mohabbat tere anjaam pe rona aya
jane kyon aaj tere naam pe ronaa aya

yuN to har shaam ummidon men guzar jati thi
aaj kuchh baat hai jo shaam pe rona aya

kabhi taqdir ka maatam kabhii duniya ka gila
manzil-e-ishq men har gaam pe rona aya

jab hua zikr zamaane men mohabbat ka ‘Shakeel’
mujh ko apne dil-e-nakaam pe rona aya

Shakeel Badayuni

kal chaudhvin ki raat thi shab bhar rahaa charchaa teraa

kal chaudhvin ki raat thi shab bhar rahaa charchaa teraa
kuchh ne kahaa ye chaaNd hai kuchh ne kahaa chehraa teraa

ham bhi vahin maujud the ham se bhi sab puchhaa kiye
ham ha.Ns diye ham chup rahe manzuur thaa pardaa teraa

is shahar men kis se milen ham se to chhuti mahfilen
har shaKhs teraa naam le har shaKhs divaanaa teraa

kuche ko tere chhoD kar jogi hi ban jaayen magar
jangal tere parbat tere basti teri sahraa teraa

ham aur rasm-e-bandagi aashuftagi uftaadgi
ehsaan hai kya kya teraa ai husn-e-beparva teraa

do ashk jaane kis liye palkon pe aa kar Tik gaye
altaaf ki baarish terii ikraam kaa dariyaa teraa

ai bedaareG-o-be_amaa.N ham ne kabhi ki hai fuGaaN
ham ko teri vahshat sahi ham ko sahi saudaa teraa

tu bevafaa tuu maharabaaN ham aur tujh se bad-gumaaN
ham ne to puchhaa thaa zaraa ye vaqt kyuu.N Thahraa teraa

ham par ye saKhti ki nazar ham hain faqir-e-rah_guzar
rastaa kabhi rokaa teraa daaman kabhii thaamaa teraa

haaN haaN teri surat hasi.n lekin tu aisa bhi nahi.n
is shaKhs ke ashaar se shoharaa huaa kyaa kyaa teraa

beshak usi kaa dosh hai kahataa nahin Khaamosh hai
tu aap kar aisi davaa bimaar ho achchhaa teraa

bedard sunani ho to chal kahtaa hai kyaa achchhi Gazal
aashiq teraa rusavaa teraa shaayar teraa “Inshaa” teraa

Ibn-e-Insha

ab main ration ki qataRon mein naZar aata hooN

ab main ration ki qataRon mein naZar aata hooN
apne khetoN se bichchaDne ki saza paata hooN

itnee menhgaayee ke bazaar se kuch laata hooN
apne bachchoN meiN us’se baanT ke sharmaata hooN

apnee neendo ki lahoo pochne ki koshish meiN
jaagte jaagte, thak jaata hooN so jaata hooN

koi chaadar samaJh ke kheench na le fir se “Khaleel”
maiN qafan oDh kar foot-paath pe so jaata hooN